Blog

Maskembali počinju, ako nemate ideju kako da maskirate sebe ili djecu, evo jedne jednostavne tehnike koju svako može da savlada.

Potrebno je sledeće (sav materijal dostupan u knjižari Dambo):

  1. Plastična maska
  2. Tuba contur paste (bilo koje boje)
  3. Četkica za bojenje srednje debljine
  4. Akrilne boja: ljubičasta, zlatna i srebrna (možete da koristite jednu akrilnu boju i zlatni i srebrni marker)

m1Da olakšate sebi, prvo nacrtajte olovkom dezen direktno na masku. Ne brinite ako pogrijesite, linije se neće vidjeti nakon bojenja. Otvorite tubu contur paste, stavite plastični vrh za precizno crtanje, i lagano iscrtavajte pastom preko olovke, da ostaje debeli trag. Pastom iscrtajte i linije oko otvora za oči. Ostavite da se osuši.

m2Kad vidite da je pasta suva (tvrda na dodir) pređite na bojenje. Na paletu ili tanjirić iscjedite malo ljubičaste akrilne boje, sa kistom i vodom razblažite po potrebi i klistom obojite cijeli prednji dio maske. Ostavite da se osuši.

 

m3Na paletu iscjedite srebrnu akrilnu boju, suvim kistom uzmite malo boje i nanesite preko linija kontur paste i oko otvora za oči. Za ovo možete koristiti komadic tkanine ili sunđera i utapkavati boju da trag bude kao na slici. Ostaviti da se boja osuši.

Za kraj istisnite malo zlatne akrilne boje i sa vodom i kistom precizno iscrtajte linije preko kontur paste (ovo možete izvesti i zlatnim markerom).

 

Kad se osuši boja, vaša maska je spremna! Lijep provod 🙂

m5m4m6